Me skal til Setesdal!

Me mau sjå ti Setesdalen...

Ei eventyrleg dialekt der ord dansar ut av stolte munnar. Saum og sylvhandverk er like vanleg som dataspel. Geologien er på ei side brutal, på ei anna side  glattsleikt og raus på kontrastar. Setesdal er på verdsarvlista med sin mangfaldige kultur. Folkemusikken kling sterkare enn kyrkjeklokka og maten er slik den var. Kanskje. 

Gamaldags tenkjer du? Nei, på ingen måte. For i Setesdal finn du også den einaste staden i Skandinavia som lagar SAKE. Du leste rett. Den Japanske kulturdrikken har eige oppskrift på Bygland Bryggeri. Og lågen er med einer. So klart. Smaken er himmelsk og ambisjonane for arbeidet er skyhøge. 

Denne helga fekk eg lov til å bli kjent med fleire fine folk i Setesdal. Det var Hanen Agder som inviterte til ei helg med låge skuldre og høge ambisjonar, på vegne av gardsturisme og alt det som kjem i den pakka. Sist gong eg var i Setesdal var eg der i eit litt anna ærend, men det eg hugsar best frå tidlegare besøk er sylvsmiene og handverket som er so sterkt levande i bygdene der. Og den vidunderlige dialketa! 

Me var ein gjeng på 14 menneskje som alle var der for å lære, lytte og dele raust med kunnskap. Agder er ein aldeles fortryllande og særs mangfaldig region. Dei har kyst og fjell, hav og fjellaure. Tresnekker og treski. Småbyar og storslåtte fjellområder. 

Magien skjer når folk begynner å snakke sammen. Fysst forsiktig, og undrende. Høyre litt på dei andre sine problemstillingar. Samanlikne. Folk driv med ulike ting.  Bedriftene er forskjellige. Dei har likevel mange felles utfordringar. Eit skjebnefellesskap om du vil. Korleis priser vi lokalmat? Kvar er markanden? Er alle turister som kjem til Norge opptatt av lokalt brygga øl og spekeskinke frå stabburet? Bryr dei seg om bunadsaum og rosemåling?  Kven skal vi rette oss mot i kommunikasjonen? Er det lov å dra på litt i historieforteljingane? I utlandet, der du og eg reiser på ferie.... Er alt 100% sant og ekte der? Er alt me les om skinkene i Spania, ostane frå Frankrike og pastaen frå Italia, heilt sant? Utan jugarkors? 

Å møtast med låge skuldre gjer at ein pratar fritt og skaper ein god delingskultur. Mi oppleving er at små bedrifter er rause og store i det å omfamne kvarandre sine idear. Slik blir det utvikling av. Rausheit, openheit og direkte attendemeldingar er bra! Det løfter, og bygger eit solid nettverk. 

Det var ei veldig hyggeleg og kjekk helg i Setesdal. All honnør til Hanen Agder for å invitere og legge til rette for at medlemsbedrifter kan møtast og dele kunnskap.